Мәскәү, Чаллы, Әлмәт кунаклары

24 августта Мидхәт Газыймов исемендәге халык иҗаты һәм көнкүреше музеенда Мәскәү, Чаллы, Әлмәт шәһәрләреннән кайткан кунакларны каршы алдык. Зирекле авылында туып үскән, хәзергесе вакытта мәрхүм булган әниләре Садыйкова (Шакирова) Рабига Шакир кызының (1928-1983) кызлары Гөлсинә, Нурсинә Гөлнур, Әлфинур әниләренең һәм бабаларының туган авылында булу, авыл мәчетендә булу, әлбәттә инде, Зирекле авылы тарихы буенча, аның 1831 елдан башлап бүгенгесе көнгә чаклы яшәүче кешеләре турында бай материал тупланган музей белән танышу максатыннан кайтканнар. Үз чиратыбызда без аларга музей заллары буенча үткәннәргә сяхәт ясадык.